काठमाडौँ । आईपीएल–२०२४ मा गुजरात टाइटन्स र कोलकाता नाइट राइडर्सबीचको खेल वर्षाका कारण रद्द भएको छ । योसँगै गुजरातको टोली चालू सिजनको प्लेअफको दौडबाट बाहिरिएको छ । उता, कोलकाताको टप–२ मा स्थान पक्का भएको छ ।
अहमदाबादमा सोमबार साँझदेखि रातिसम्म पानी परेको थियो । यस्तो अवस्थामा अम्पायरहरूले दुवै कप्तानसँग छलफल गरेर खेल रद्द गर्ने निर्णय गरेका हुन् । दुवै टोलीलाई एक–एक अंक दिइएको छ ।
यस खेलबाट एक अंकको साथ कोलकाता १९ अंकमा पुगेको छ भने गुजरातको मात्र ११ अंक छ र टोलीले १६ मेमा सनराइजर्स हैदरावादविरुद्ध जित हासिल गरे पनि १३ अंक मात्र जोड्न सक्ने छ । जुन प्लेअफका लागि पर्याप्त छैन ।
अर्कोतर्फ कोलकाताले टप–२ मा रहन पक्का गरेको छ । किनभने अब अंक तालिकामा रहेका दुई टोलीले १९ वा सोभन्दा बढी अंक जोड्न सक्ने छैनन् । अहिले राजस्थानसँग २० अंक पुग्ने मौका छ ।
