काठमाडौं । नेपाली कांग्रेसले सहकारी ठगी प्रकरणमा संसदीय छानविन समिति गठन नभएसम्म आफ्नो अडान कायमै राख्ने निर्णय गरेको छ ।
आज (सोमबार) कांग्रेस पदाधिकारी तथा पूर्व पदाधिकारीहरुको बैठकले यस्तो निर्णय गरेको हो । बैठक पछि काग्रेस प्रवक्ता एवं प्रतिनिधि सभा सदस्य प्रकाशशरण महतले सहकारी ठगी प्रकरणमा संसदीय छानविन समिति गठन नभएसम्म आफूहरु पछि नहट्ने बताउनु भयो ।
उहाले सरकारले नीति तथा कार्यक्रम प्रस्तुत गर्ने विषयलाई गम्भीरताको साथ लिनुपर्ने बताउनु भयो ।
उहाँले भन्नुभयो ‘अस्तिदेखि हामीले जे राख्दै आएका थियौं, आजको कुरा पनि त्यही हो । संसदीय छानविन समिति बन्नुपर्छ भन्ने हाम्रो बटमलाईन हो ।’ उहाँले भन्नुभयो ‘राष्ट्रपतिज्यूमार्फत सरकारको नीति तथा कार्यक्रम संसद्मा प्रस्तुत हुँदैछ भने यसलाई सरकारले कति गम्भीरताको साथ लिएको छ रु विपक्षीले जायज माग राखेको छ ।’
संघीय संसद्को दुवै सदनको संयुक्त बैठकमा राष्ट्रपति रामचन्द्र पौडेलले आगामी जेठ १ गते सरकारको आगामी वर्षको नीति तथा कार्यक्रम प्रस्तुत गर्ने कार्यसूची रहेको छ ।
