काठमाडौं । अमेरिकी नवनिर्वाचित राष्ट्रपति जो बाइडेनले आज अमेरिकाको ४६ औं राष्ट्रपतिको रुपमा सपथ ग्रहण गर्दैछन् । सपथ ग्रहण समारोहको सुरक्षालाई ध्यान दिँदै अमेरिकाको राजधानी वासिङ्गटन डिसीमा उच्च सतर्कता अपनाईएको छ । बाइडेनसँगै उपराष्ट्रपति कमला ह्यारिसले पनि आज सपथ ग्रहण गर्दैछिन्।
आजको सपथ ग्रहण समारोह सुरक्षाका राजधानी वासिङ्टन डिसीमा २५ हजारभन्दा बढी नेशनल गार्डहरु सपथ समारोह आयोजना हुने स्थल, संसद भवन, ह्वाइट हाउस र वासिंगटन डिसीमा २४ सै घण्टा उच्च सतर्कताका साथ तैनाथ गरिएका छन् । डेमोक्रेटिक पार्टीका तर्फबाट राष्ट्रपतिका प्रत्यासी जो बाइडेनले रिपब्लीकनको गढ मानिएका पेन्सिलभेनिया राज्यमा विजय हासिल गरेसँगै जो बाइडेन अमेरिकी राष्ट्रपतिमा निर्वाचित भएका हुन् ।
त्यस्तै उपराष्ट्रपतिमा निर्वाचित सिनेटर कमला ह्यारिस उपराष्ट्रपति पदमा विजयी हुने पहिलो महिला पनि हुन् । उनी अफ्रिकी– दक्षिण एसियाली–अमेरिकी मूलकी हुन् ।
