काठमाडौँ । कार्यक्रमको सिलसिलामा सिन्धुली पुगेका बागमती प्रदेशका मुख्यमन्त्री शालिकराम जम्कट्टेल बिरामी भएका छन् ।
श्वासप्रश्वाससम्बन्धी समस्या देखिएपछि मुख्यमन्त्री जम्कट्टेललाई सेनाको हेलिकोप्टरमार्फत काठमाडौँ ल्याउन लगिएको हो ।
मुख्यमन्त्री जम्कट्टेलको स्वास्थ्य गम्भीर देखिएपछि काठमाडौँ ल्याउन सेनाको हेलिकोप्टर पठाइएको गृह मन्त्रालयका प्रवक्ता नारायणप्रसाद भट्टराईले जानकारी दिए ।
हेलिकोप्टरमार्फत उनलाई काठमाडौँ ल्याएर नर्भिक अस्पतालमा उपचार गर्ने तयारी भइरहेको छ ।
रामेछापको खानेपानी आयोजना उद्घाटनको सिलसिलामा मुख्यमन्त्री जम्कट्टेल सिन्धुली पुगेका थिए ।
