काठमाडौँ । उपत्यकाबासीले आज केही समयको लागि लोडसेडिङ खेप्नु पर्ने भएको छ । ललितपुरको बालकुमारी खन्ना गार्मेन्ट, हनुमन्ते करिडोर, नमस्ते पेट्रोल पम्प आसपासका क्षेत्र र सुकेधारा, चण्डोल, महाराजगंज, विशालनगर, चप्पल कारखाना, लोसाल आसपासको क्षेत्रमा आज लोडसेडिङ हुने नेपाल विद्युत प्राधिकरणले जनाएको हो ।
ललितपुरको उक्त क्षेत्रमा दिउँसो ३ देखि ४ बजेसम्म एक घण्टा र सुकेधारा, चण्डोलको अन्य क्षेत्रमा एक बजेदेखि दुई बजेसम्म एक घण्टाको लागि विद्युत अवरुद्ध हुने प्राधिकरणको भनाइ छ ।
लुभु एकको फिडर अन्तर्गत पर्ने बालकुमारी खरिबोट नजिकै रहेको एशियन पेन्ट्स नेपालको ट्रान्सफरमर जलेकोले सो ट्रान्सफरम मर्मतको लागि सटडाउन गर्नुपर्ने भएकाले एक घण्टा बिजुली जाने र सुकेधारा, चण्डोल क्षेत्रमा ओम फिडर अन्तर्गतको कुमारी मन्दिर एरियामा ट्रान्सफरमर इन्स्टलेसन गर्नुपर्ने भएकाले विद्युत अवरुद्ध हुने प्राधिकरणले स्पष्ट पारेको छ ।
