पाटन । ललितपुर महानगरपालिका–१७ बाफलमा आगलागी हुँदा तीन बालबालिकासहित पाँच जना घाइते भएका छन् । जसमा तीन जनाको अवस्था गम्भिर रहेको छ ।
आगलागीबाट रौतहट जिल्ला घर भई हाल बाफल बस्ने सञ्जय गिरी र श्रीमती रुपा गिरीलगायत उहाँका तीन वर्षीया प्रीया गिरी, आठ वर्षीया एलीसा गिरी, १५ वर्षीया मीत गिरी घाइते भएका छन् ।
उनीहरुको किस्ट अस्पतालमा उपचार भइरहेको छ । सञ्जय, एलीसा र प्रीयाको अवस्था गम्भिर रहेको अस्पतालले जानकारी दिएको छ । उनीहरुको भन्टिलेटरमा उपचार भईरहेको छ । रुपा र मीत को पनि आसियूमा उपचार भईरहेको छ ।
अहिले आगो नियन्त्रणमा आईसकेको छ । डढेको मोबिल एउटा भाँडाबाट अर्को भाँडामा सार्ने बेलामा मोबिल आगोमा परेर आगालागी भएको हुनसक्ने जिल्ला प्रहरी परिसर ललितपुरका प्रहरी उपरीक्षक तथा सूचना अधिकारी नरेशराज सुवेदीले जानकारी दिए ।
