झापा । दमकमा कक्षा १२ को परीक्षा दिएर फर्किँदै गरेकी छात्रामाथि गोली प्रहार भएको छ ।
हिमालय माध्यामिक विद्यालयमा अध्ययनरत उदयपुरकी एनिका अधिकारीमाथि दमक ५ ज्येष्ठ नागरिक प्रतिष्ठान अगाडि गोली प्रहार भएको इलाका प्रहरी कार्यालय दमकले जनाएको छ ।
उनलाई उपचारका लागि दमकस्थित लाइफ लाइन अस्पतालमा पठाइएको छ ।
उनी दमकमा डेरा गरी बसेर पढ्दै आएकी थिईन् । कक्षा १२ को परीक्षा दिएर घर फर्किँदै गर्दा एलिनालाई बाटो ढुकेर गोली हानेको प्रहरीले जनाएको छ ।
गोली प्रहार गर्ने व्यक्तिको खोजी भइरहेको प्रहरीले जनाएको छ । यसबारे थप अनुसन्धान भईरहेको छ ।
