काठमाडौँ । च्याम्पियन्स लिग फुटबलमा आज मंगलबारदेखि सेमिफाइनलका खेलहरु सुरु हुँदैछन् ।
आज मध्यरातमा जर्मन क्लब बायर्न म्युनिख र स्पेनिस क्लब रियल मड्रिडबीच खेल हुँदैछ । दुई टोलीबीचको खेल नेपाली समयानुसार मध्यरातमा (१२ः४५ बजे) सुरु हुनेछ ।
सेमिफाइनलको पहिलो लेग आज बायर्नको घरेलु मैदान एलियान्ज एरिनामा हुनेछ भने दोस्रो लेग रियलको घरेलु मैदान सान्टियागो बर्नबेउमा अर्को हप्ता हुनेछ ।
क्वाटरफाइनलमा बायर्नले आर्सनललाई तथा रियलले म्यान्चेस्टर सिटीलाई पाखा लगाउँदै सेमिफाइनलमा स्थान बनाएको हो ।
फाइनल खेल जुन २ मा लण्डनको वेम्बले स्टेडियममा हुनेछ । अर्को सेमिफाइनल टोली पेरिस सेन्ट जर्मेन र बोरुसिया डर्टमण्डबीच भोलि खेल हुँदैछ ।
