ललितपुर । गोदावरीमा डढेलो निभाउने क्रममा घाइते भएका एक जनाको मृत्यु भएको छ ।
गोदावरी नगरपालिका–४ स्थिति तपेश्वर सामुदायिक वनमा लागेको डढेलो निभाउने क्रममा घाइते भएका शङ्कर पहरीको उपचारको क्रममा मृत्यु भएको हो ।
पहरीको उपचारको क्रममा कीर्तिपुरस्थित बर्न अस्पतालमा मृत्यु भएको एसपी सुवेदीले जानकारी दिए ।
शङ्करसँगै आगो निभाउने क्रममा रमेश पहरी पनि घाईते भएका थिए । उनको उपचार भईरहेको सुवेदीले जानकारी दिए ।
ललितपुरको लेले जङ्गलमा ३–४ दिनदेखि लागेको डढेलो आनन्द वनमा पनि फैलिएको छ । आनन्द वनमा डढेलो फैलिएसँगै त्यहाँ नजिकै सञ्चालित कुष्ठरोग अस्पतालका ९३ जना बिरामीलाई सुरक्षित ठाउँमा सारिएको सुवेदीले जानकारी दिए । साथै, डढेलोमा फसेका १५ जनाको उद्धार पनि गरिएको छ ।
