काठमाडौँ । रोयल च्यालेन्जर्स बैंगलोरलेले आईपीएल २०२४ मा लगातार दोस्रो जित हात पारेको छ । टोलीले सिजनको ४५ औं खेलमा गुजरात टाइटन्सलाई ९ विकेटले पराजित गरेको हो ।
यो जितसँगै बैंगलोरले प्लेअफमा पुग्ने आशा जीवित राखेको छ । बैंगलोरले १६ ओभरमा एक विकेट गुमाएर २०१ रनको लक्ष्य पुरा गर्यो । यो आईपीएलमा सबैभन्दा छोटो ओभरमा २०० भन्दा बढी लक्ष्य पछ्याउने कीर्तिमान हो ।
विल ज्याकले ४१ बलमा अविजित १०० रन बनाए भने विराट कोहलीले ४४ बलमा ७० रनको अविजित अर्धशतक बनाए । दुवैले ७४ बलमा १६६ रनको साझेदारी गरे ।
यसअघि अहमदाबादको नरेन्द्र मोदी स्टेडियममा आरसीबीले टस जितेर फिल्डिङ रोजेको थियो । गुजरातले निर्धारित २० ओभरमा ३ विकेट गुमाएर २०० रन बनाएको थियो । साई सुदर्शनले ८४ रनको अविजित इनिङ खेले । जहाँ शाहरुख खान (५८ रन)ले अर्धशतक बनाए । डेभिड मिलरले २६ रनको योगदान दिए ।
आरसीबीका लागि मोहम्मद सिराज, ग्लेन म्याक्सवेल र स्वप्निल सिंहले १–१ विकेट लिए ।
