एजेन्सी । बलिउड अभिनेता पंकज त्रिपाठीका बहिनीज्वाइँ राकेश तिवारीको सडक दुर्घटनामा मृत्यु भएको छ । शनिबार साँझ करिब ४ बजे धनबाद जिल्लाको निरसा चोक नजिकै एनएच २ मा भएको सडक दुर्घटनामा पंकजकी बहिनी सविता तिवारी पनि गम्भीर घाइते भएकी छन् ।
उनको धनबादको एक अस्पतालमा उपचार भइरहेको छ । उनको खुट्टा भाँचिएको छ तर उनी खतरामुक्त छन् । घटनाको खबर पाएलगत्तै पंकज त्रिपाठी मुम्बईबाट कोलकाता एयरपोर्ट पुगे र त्यहाँबाट धनबाद प्रस्थान गरेका छन् ।
पंकजका बहिनीज्वाइँ राजेश तिवारी चित्तरञ्जन रेलवे कारखानामा काम गर्थे । उनी शनिबार साँझ श्रीमती सविता तिवारीसँग कारमा गोपालगञ्जबाट चित्तरञ्जन जाँदै थिए । निरसा चोकमा पुग्ने बित्तिकै अटोलाई बचाउन खोज्दा आफ्नो कारको नियन्त्रण गुमाएपछि तिब्र गतिमा रहेको कार तीन फिट अग्लो डिभाइडरमा ठोक्कियो ।
दुर्घटनामा राजेशको टाउकोमा गम्भिर चोट लागेको थियो । सूचना पाएलगत्तै निरसा थानाको प्रहरी स्थानीयको सहयोगमा पुगेर दुवैलाई उपचारका लागि धनबाद एसएनएमसीएच पठाइएको थियो । जहाँ उपचारका क्रममा राकेशको मृत्यु भएको हो ।
