=काठमाडौँ । इन्डियन प्रिमियर लिग (आईपीएल)को १७ औं सिजनमा चेन्नई सुपर किंग्सले तेस्रो हार बेहोरेको छ ।
शुक्रबार चेन्नई लखनउ सुपर जाइन्ट्ससँग ८ विकेटले पराजित भएको हो । चेन्नईका पूर्व कप्तान महेन्द्र सिंह धोनीले ८ बलमा २८ रन बनाए ।
धोनीले आईपीएलमा विकेटकिपरको रूपमा खेल्दै ५ हजारभन्दा बढी रन बनाएका छन् । उनी यस्तो गर्ने पहिलो विकेटकिपर बने । उनले विकेटकिपरका रुपमा पनि २५१ खेल खेलिसकेका छन् । धोनीपछि आरसीबीका दिनेश कार्तिकले विकेटकिपरका रूपमा २२८ खेलमा ४३६३ रन बनाएका छन् ।
साथै, उनले ४० वर्षको उमेरपछि आईपीएलमा ५०० रन पूरा गरे । उनी ४० वर्षको उमेरपछि आइपिएलमा सर्वाधिक रन बनाउने खेलाडी बनेका छन् । धोनी अहिले ४२ वर्षका छन् । उनले क्रिस गेलको कीर्तिमान तोडे जसले ४० वर्षको उमेरपछि आईपीएलमा ४८१ रन बनाएका थिए ।
