काठमाडौँ । भारतका लागि राजदूतमा सिफारिस भएका डा शङ्कर शर्माको एग्रिमो आएको छ । शर्माको नाममा सहमति जनाउँदै भारतको विदेश मन्त्रालयले परराष्ट्र मन्त्रालयलाई एग्रिमो पठाएको हो । एग्रिमो प्राप्त भएसँगै शर्मालाई राष्ट्रपति विद्यादेवी भण्डारीले नियुक्त गर्ने र भारत जान मार्ग प्रशस्त भएको छ ।
भारतका लागि राजदूतमा सिफारिस भएका शर्माको नाम गत कात्तिक ११ गते संसदीय समितिले अनुमोदन गरेको थियो । संसदीय समितिले अनुमोदन गरेसँगै उनको नाम एग्रिमोका लागि भारतलाई पत्र पठाइएको थियो । उनीसँगै राजदूतमा सिफारिस भएका ज्ञानचन्द्र आचार्य बेलायत र श्रीधर खत्री अमेरिकाका लागि नियुक्त भइसकेका छन् ।
