![](https://newspolar.com/wp-content/uploads/2024/04/srh.jpg)
काठमाडौँ । इन्डियन प्रिमियर लिग (आईपीएल)मा सनराइजर्स हैदरावादका ब्याट्सम्यानले उत्कृष्ट प्रदर्शन जारी राखेका छन् ।
हैदराबादले रोयल च्यालेन्जर्स बैंगलोर (आरसीबी)लाई २८८ रनको लक्ष्य दिएको छ ।
उसले २० ओभरमा ३ विकेट गुमाएर २८७ रन बनाएको हो । आईपीएलको इतिहासमा यो सबैभन्दा ठूलो स्कोर हो, यसअघि हैदराबादले नै यसै सिजन मुम्बईविरुद्ध २७७ रन बनाएको थियो ।
एम चिन्नास्वामी स्टेडियममा आरसीबीले टस जितेर पहिले बलिङ रोजेको थियो । एसआरएचका ट्राभिस हेडले ३९ बलमा शतक बनाए । उनको यो आईपिएल इतिहासमै चौथो छिटो शतक हो ।
उनले ४१ बलमा १०२ रन बनाए । हेनरिक क्लासेनले ६७, अभिषेक शर्माले ३४ रन जोड्दा अब्दुल समद १० बलमा ३७ र एडेन मार्कराम १७ बलमा ३२ रनसहित अविजित रहे ।
बैंगलोरका लोकी फर्गुसनले २ विकेट लिए ।