काठमाडौँ । आईपीएल २०२४ को २७ औं खेल शनिबार राजस्थान रोयल्स र पञ्जाब किंग्सबीच खेलिएको छ ।
रोमाञ्चक खेलमा राजस्थानले पञ्जाबलाई तीन विकेटले पराजित गर्दै जितको लयमा फर्किएको छ । सिजनको पाँचौं जितसँगै टोली अंक तालिकाको शीर्ष स्थानमा यथावत छ ।
योसँगै पञ्जाब किंग्स चार अंकसहित आठौं स्थानमा पुगेको छ । टस हारेर पहिले ब्याटिङ रोजेको पञ्जाबले आशुतोष शर्माको ३१ रनको इनिङ्सको आधारमा २० ओभरमा आठ विकेट गुमाएर १४७ रन बनाएको थियो ।
जवाफमा राजस्थानले एक बल बाँकी रहँदा सात विकेट गुमाएर १५२ रन बनाउँदै खेल तीन विकेटले जित्यो ।
अन्तिम ओभरको रोमाञ्चक
इनिङ्सको २० औं ओभर रोमाञ्चले भरिएको थियो । हेटमायरले अर्शदीप सिंह विरुद्ध आक्रामक अडान लिएका थिए । यो ओभरमा राजस्थानलाई जितका लागि ६ बलमा १० रन आवश्यक थियो । पहिलो र दोस्रो बलमा कुनै रन बनाउन सकेन । तेस्रो बलमा हेटमायरले शक्तिशाली छक्का प्रहार गरे ।
अब राजस्थानलाई जितका लागि तीन बलमा चार रन आवश्यक थियो । चौथो बलमा हेटमायरले लङ अनतर्फ प्रहार गर्दै दुई रन बनाए । अब टोलीलाई दुई बलमा दुई रन चाहिएको थियो । हेटमायरले पाँचौं बलमा शक्तिशाली छक्का प्रहार गर्दै खेल राजस्थानको हातमा पुर्याए । यो बलियो प्रदर्शनका लागि उनी ‘प्लेयर अफ द म्याच’ चुनिए ।
लक्ष्य पछ्याउने क्रममा राजस्थानले राम्रो सुरुवात गरेको थियो । यशस्वी जैसवाल (३९) र तनुष कोटियान (२४) बीच पहिलो विकेटका लागि ५६ रनको साझेदारी भयो । टोलीलाई तेस्रो झट्का कप्तान सञ्जु सामसनको रूपमा कागिसो रबाडाले एलबीडब्ल्यू आउट गरेका थिए । उनी एक चौका र छक्काको मद्दतमा १८ रन बनाएर फर्किए ।
रियान परागले २३ रन, ध्रुव जुरेलले ६ रन, रोभमान पावेलले ११ रन र केशव महाराजले एक रन जोडे । सिमरोन हेटमायरले २७ रन बनाएर अविजित रहे । उनलाई ट्रेन्ट बोल्टले साथ दिएका थिए जो खाता नखोल्दै अविजित रहे । हेटमायरले अन्तिम ओभरको पाँचौं बलमा म्याच विजयी छक्का प्रहार गरे । पञ्जाबका लागि साम करन र कागिसो रबाडाले २–२ विकेट लिए भने अर्शदीप सिंह, लियाम लिभिङस्टोन र हर्षल पटेलले एक–एक विकेट लिए ।
मुल्लानपुरमा भएको खेलमा पञ्जाबका ब्याट्सम्यान राजस्थानविरुद्ध संघर्षरत देखिएका थिए । टस हारेर पहिले ब्याटिङमा आएको पञ्जाबको टोलीले खास सुरुवात गर्न सकेन । अथर्व टाइडे र जोनी बेयरस्टोबीच पहिलो विकेटका लागि २७ रनको साझेदारी भयो । चौथो ओभरमा आवेश खानले अथर्वलाई शिकार बनाए । उनी यस खेलमा शिखर धवनको स्थानमा खेलिरहेका थिए । टोलीलाई दोस्रो झट्का युजभेन्द्र चहलले ४१ रन बनाएर दिए । स्टार स्पिनरले प्रभसिमरन सिंह (१०) लाई आउट गरे ।
यसपछि केशव महाराजले जोनी बेयरस्टोलाई निशाना बनाए । उनले आठौं ओभरको अन्तिम बलमा पञ्जाबलाई तेस्रो झट्का दिए । बेयरस्टो १५ रन बनाएर फर्किए ।
यस खेलमा साम करनले ५ रन र शशांक सिंहले ९ रन बनाए । आवेश खानले राम्रो फर्ममा देखिएका जितेश शर्मालाई १०३ रनको स्कोरमा प्याभिलियन पठाए । उनले एक चौका र दुई छक्का प्रहार गर्दै २९ रन बनाउन सफल भए । यसपछि लियाम लिभिङस्टोन २१ रन बनाएर फर्किए । उनी सञ्जु सामसनबाट रनआउट भए ।
आशुतोष शर्मा डेथ ओभरमा पञ्जाबका लागि समस्या निवारक साबित भए । उनले १६ बलमा ३१ रनको इनिङ खेले । यस क्रममा उनले १९३।्.७५ को स्ट्राइक रेटमा एक चौका र तीन छक्का प्रहार गरे । उनलाई अन्तिम ओभरको अन्तिम बलमा केशव महाराजको हातमा ट्रेन्ट बोल्टले क्याच आउट गराए । हरप्रित ब्रारले तीन रन बनाएर अविजित रहे ।
पञ्जाबको नाममा नचाहेको रेकर्ड दर्ता
यस खेलमा पञ्जाब किंग्सको नाममा एक अनावश्यक कीर्तिमान दर्ता भएको थियो । पावरप्लेमा पञ्जाबले ३८र१ स्कोर बनाएको थियो । यो आईपीएल २०२४ को चौथो सबैभन्दा कम स्कोर हो । यो सूचीमा पञ्जाबको नाम शीर्ष स्थानमा छ । सनराइजर्स हैदरावादविरुद्धको खेलमा पावरप्लेमा टोलीले २७र३ रन बनाएको थियो ।
जारी आईपीएलमा सबैभन्दा कम पावरप्ले स्कोर
२७/३ पञ्जाब किंग्स विरुद्ध सनराइजर्स हैदरावाद, मुल्लानपुर
३१/२ राजस्थान रोयल्स विरुद्ध दिल्ली क्यापिटल्स, जयपुर
३२/२ चेन्नई सुपर किंग्स विरुद्ध दिल्ली क्यापिटल्स, विशाखापट्टनम
३८/१ पञ्जाब किंग्स विरुद्ध राजस्थान रोयल्स, मुल्लानपुर
४०/१ पञ्जाब किंग्स विरुद्ध रोयल च्यालेन्जर्स बैंगलोर, बैंगलोर
