रुपन्देही । लुम्बिनीका मुख्यमन्त्री जोखबहादुर महराले विश्वासको मत मागेका छन् । शुक्रबार महराले लुम्बिनी प्रदेशसभाबाट विश्वासको मतको प्रस्ताव राखेका हुन् ।
प्रदेशसभामा बोल्दै उनले सबैको अपनत्व हुनेगरी काम गर्ने भएकाले विश्वासको मत दिन आग्रह गरे । उनले वार्षिक क्यालेण्डर बनाएर विकासका योजना तर्जुमा गर्ने र दलहरूको सहमितमा छिट्टै मन्त्रिपरिषदलाई पूर्णता दिने बताए ।
महरा एमाले, माओवादी केन्द्र, नाउपा, जसपा, एकीकृत समाजावादी दलको समर्थनमा चैत १३ गते मुख्यमन्त्रीमा नियुक्त भएका थिए ।
