काठमाडौं । प्रधानमन्त्री पुष्पकमल दाहाल ‘प्रचण्ड’ र एमाले अध्यक्ष केपी शर्मा ओलीबीच भेटघाट भएको छ ।
मन्त्रिपरिषद् बैठक बस्नुअघि प्रधानमन्त्री प्रचण्डले ओलीसँग छलफल गरेका हुन् ।
प्रधानमन्त्री प्रचण्ड र ओलीबिच समसामयिक राजनीतिक घटनाक्रमबारे छलफल भएको प्रधानमन्त्रीको प्रेसविज्ञ मनहरी तिमल्सिनाले बताए ।
प्रचण्ड र ओलीबिच सत्ता गठबन्धनभित्र रहेका दलहरूले उठाएको विषयदेखि दिउँसो बस्ने मन्त्रिपरिषद्को बैठकसम्म छलफल भएको बताइएको छ । आजको मन्त्रिपरिषद्बाट हिउँदे अधिवेशन अन्त्यको तयारी छ ।
