कैलाली । नागरिक उन्मुक्ति पार्टी (नाउपा) ले सुदूरपश्चिम प्रदेश संसदीय दलको नेता घनश्याम चौधरीलाई तीन महिनाको लागि निलम्बन गरेको छ ।
अध्यक्ष रन्जिता श्रेष्ठले पार्टी अध्यक्षलाई पठाएको स्पष्टीकरण चित्तबुझ्दो नभएको भन्दै चौधरीलाई ३ महिनाका लागि निलम्बन गरेकी हुन् ।
पटकपटक बैठक बोलाउँदा नआएको र स्पष्टीकरण पनि चित्तबुझ्दो नभएको भन्दै घनश्यामलाई निलम्बन परेको पत्र रन्जिताले सभामुख भीम भण्डारीलाई पठाएकी छन् ।
यसअघि रन्जिताले संसदीय दलको नेताको जिम्मेवारीबाट रेशम पक्षका घनश्याम चौधरीलाई हटाएर कैलाश चौधरीलाई तोकेकी थिइन् । तर, संसदीय दलबाटै नेता छान्नुपर्ने भएकाले पार्टीको निर्णय लागू हुने नदेखेपछि उनले घनश्यामलाई निलम्बन गरेकी हुन् ।
