एजेन्सी । अल्लु अर्जुनको फिल्म ‘पुष्पा २’ ले सिनेमालाई नयाँ अनुभव दिने दाबी गरेको छ । रिलिज हुनुअघि निर्माताले ठूला दाबी गरेका छन् ।
यो पूरा गर्न निर्माताले फिल्ममा पानी जस्तै पैसा खर्च गरेका छन् । यस दृश्यको सुटिङमा पनि निर्देशकले ६० करोड रुपैयाँ खर्च गरेका छन् । यो रकम यति हो कि यो समयमा दुई कम बजेटका फिल्म बनाउन सकिन्छ ।
यस्तो अवस्थामा ‘पुष्पाः द रुल’ सिनेमा हलमा कस्तो तुफान ल्याउने हो भन्ने प्रश्न दर्शकलाई पनि लागेको छ । यसका साथै पुष्पा २ को ओटीटी अधिकारका बारेमा पनि जानकारी आएको छ ।
पुष्पाः द रुल एक्सन फिल्म बन्न लागेको छ । निर्देशक सुकुमारले पहिलो भागमा निकै एक्सन देखाएका छन् । यस्तो अवस्थामा यसपटक केही नयाँ र फरक गर्ने जिम्मेवारी उनकै हो ।
रिपोर्टका अनुसार यस दृष्यमा गंगाम्मा जटाराको प्रस्तुती र फाइट सीन देखाइने पुष्पा २ सँग सम्बन्धित स्रोतले बताएको छ । ६ मिनेट लामो यो दृश्य शूट गर्न ३० दिन लागेको थियो र ६० करोड रुपैयाँ खर्च भएको थियो ।
पुष्पाः द रुल महँगो साउथ फिल्म बन्न लागेको छ । अल्लु अर्जुनको यो फिल्म ५ सय करोडको बजेटमा बनाइएको बताइएको छ । पुष्पा २ को म्युजिक राइट्स बिक्री भइसकेको छ ।
रिपोर्टका अनुसार फिल्मको विश्वव्यापी म्युजिक राइट्स र हिन्दी स्याटेलाइट राइट्स टी–सिरिजले ६० करोडमा किनेको छ । यसैबीच, स्टार माले तेलुगु स्याटेलाइट अधिकारहरू खरिद गरिसकेको छ, तर मूल्य भने खुलाइएको छैन ।
