एजेन्सी । सनराइजर्स हैदरावादका फास्ट बलर भुवनेश्वर कुमारले आईपीएल २०२४ को २३ औं खेलमा मंगलबार पञ्जाब किंग्सविरुद्धको खेलमा इतिहास रचेका छन् ।
भुवनेश्वर कुमारले सनराइजर्स हैदरावादको जितमा महत्वपूर्ण भूमिका खेलेका थिए, जुन घरेलु मैदानमा उनको पहिलो जित पनि थियो ।
भुवनेश्वर कुमारले पञ्जाब किंग्सविरुद्ध आफ्नो चार ओभरको स्पेलमा ३२ रन दिएर दुई विकेट लिए । ३४ वर्षीय तीब्र गतिका बलरले रविचन्द्रन अश्विनलाई पछि पार्दै आईपीएल इतिहासमा सर्वाधिक विकेट लिने पाँचौं खेलाडी बने ।
प्याट कमिन्सले पहिले जोनी बेयरस्टोलाई आउट गरे र त्यसपछि भुवनेश्वर कुमारले प्रभसिमरन सिंह र पञ्जाब किंग्सका कप्तान शिखर धवनलाई आफ्नो शिकार बनाए । धवनको विकेट दुर्लभ थियो । हैदराबादका विकेटकिपर हेनरिक क्लासेनले उत्कृष्ट स्टम्पिङ गरे ।
भुवीले रचे इतिहास
शिखर धवनको विकेट आईपीएलको इतिहासमा यस्तो नवौं अवसर थियो, जहाँ ब्याट्सम्यान फास्ट बलरको बलमा स्टम्प आउट भएका थिए । आईपीएलको इतिहासमा आठ वर्षमा पहिलो पटक यस्तो भएको हो । भुवनेश्वर कुमारले आईपीएल इतिहासमा दुई ब्याट्सम्यानलाई स्टम्प आउट गर्ने पहिलो फास्ट बलर बनेपछि इतिहास रचे ।
भुवनेश्वर कुमारले ११ वर्षपछि आइपिएलमा कुनै ब्याट्सम्यानलाई स्टम्पिङ गर्दै आउट गरेका छन् । यसअघि २०१३ को संस्करणमा भुवनेश्वर कुमारले पुणे वारियर्सबाट खेल्दा कोलकाता नाइट राइडर्सका मनविन्दर बिस्लालाई स्टम्प गरेका थिए । भुवनेश्वर कुमारले आईपीएलमा १७३ विकेट लिएका छन्, जुन भारतीय फास्ट बलरमध्ये उत्कृष्ट हो ।
