एजेन्सी । पाकिस्तानी अभिनेत्री माहिरा खानले आफ्नो विवाहसँग जोडिएको एउटा रोचक घटना सुनाएकी छिन् । उनले एक अन्तर्वार्तामा आफ्नो विवाहमा डीजे, वेटरसहित सबै रोएका बताईन् ।
उनले भनिन्– ‘मेरो बिहेमा डीजे र वेटरसहित सबै रोइरहेका थिए । समारोहमा कोही पनि यस्तो व्यक्ति थिएन जसको आँखा नसाएका हुन् । सबै रोइरहेका थिए । म वेटर र अरू सबैलाई देखेर एकदमै स्तब्ध भएँ, के भइरहेको छ भनेर सोचें।’
माहिरा खानले आफ्नो लामो समयदेखिका प्रेमी सलीम करिमसँग अक्टोबर १, २०२३ मा विवाह गरेकी थिईन् । माहिराको यो दोस्रो विवाह हो । उनीहरुले पाकिस्तानको बुर्बान सहरस्थित पर्ल कन्टिनेन्टल होटलमा विवाह गरेका थिए ।
माहिराको विवाहमा १४ वर्षका छोरा पनि उनीसँगै थिए । माहिराको पहिलो विवाह सन् २००७ मा भएको थियो । उनको सम्बन्धविच्छेद सन् २०१५ मा भएको थियो ।
सलीम करिमसँग विवाहपछि माहिरा खान गर्भवती भएको खबर बाहिर आएको थियो । तर, माहिराले यी खबरलाई अस्वीकार गर्दै भनिन्– ‘ओह, म गर्भवती छैन । यो कुनै अनौठो कुरा होइन तर अहिले यो हल्ला मात्र हो । मलाई थाहा छैन यी चीजहरू कहाँबाट आयो। मेरो तौल बढेको कारणले होला ।’
माहिरा सन् २०१७ मा शाहरुख खानसँग फिल्म ‘रईस’ मा देखिएकी थिइन् । यो फिल्मले बक्स अफिसमा राम्रो कलेक्सन गरेको थियो ।
