काठमाडौं । चन्द्रागिरी हिल्स लिमिटेडको शेयर कारोबार आइतबारदेखि शुरु भएको छ । कम्पनीको शेयर मूल्य प्रतिकित्ता रू.१६१ मा खुल्ला भएको भएको हो ।
उक्त कम्पनीको शेयर खरीद अर्डरमा १४ लाख ९२ हजार १९३ कित्ता छ भने विक्रेता एउटा पनि देखिएका छैनन् । गत शुक्रबार कम्पनीको शेयर नेपाल स्टक एक्सचेञ्ज (नेप्से) मा सूचीकृत भएको थियो । यो समाचार तयार पार्दाको समयसम्ममा कम्पनीको २० कित्ता शेयर शेयर खरीदविक्री भएको छ ।
पहिलो कारोबारको लागि कम्पनीको शेयर प्रतिकित्ता रू. ९६ दशमलव ६९ देखि २९० दशमलव शून्य ७ ओपन रेञ्ज पाएको थियो । नेप्सेले कम्पनीको पहिलो कारोबारको लागि नेटवर्थको तीन गुणासम्म मूल्य रेञ्ज तोक्ने गर्दछ ।
