• २ असार २०८१, आईतवार
  •      Sun Jun 16 2024
  •   Unicode
Logo
Latest
★   निर्वाचन आयोगको आयुक्तमा कृष्णमान प्रधान सिफारिस ★   टी-२० विश्वकप खेल्ने राष्ट्रिय खेलाडीलाई जनही १३ लाख पुरस्कार ★   पदयात्रा गरी बिदा मनाउने स्थलका रुपा परिचित हुँदै वाग्द्वार ★   सरकारले केही व्यापारिक घरानाले कर छल्न सक्नेगरी बजेट ल्यायो: डा. आरजु राणा ★   सलमान खानको अपार्टमेन्ट बाहिर फाईरिङ​ भएको घटनामा थप एक जना पक्राउ ★   प्रधानमन्त्रीसँग सिपिपिसिसीका उपाध्यक्षको शिष्टाचार भेट ★   मुलुक बाहिर बसेर आर्जन गरेको ज्ञान, सीप र पुँजी नेपाल भित्र्याउन गैर आवासीय नेपालीलाई महासंघ… ★   नर्वेद्वारा युक्रेनलाई १० करोड ३० लाख डलर सहयोग ★   मेलाबाट भएको आम्दानीबाट पर्यटन पूर्वाधार निर्माण ★   गजुरीदेखि चौतारा जोड्ने सडक कालोपत्र सुरु

इंग्ल्याण्डका पूर्व कप्तानको दाबीः आरसीबीले यो वर्ष पनि आईपीएलको उपाधि जित्न सक्दैन



एजेन्सी । आईपीएल २०२४ अन्तर्गत शुक्रबार रोयल च्यालेन्जर्स बैंगलोरले एकतर्फी खेलमा केकेआरसँग ७ विकेटले हार बेहोरेको थियो । आरसीबीले कोलकाता नाइट राइडर्सलाई दिएको १८३ रनको लक्ष्य रक्षा गर्न सकेनन् ।

केकेआरका ब्याट्सम्यानले १६ दशमलव ५ ओभरमा लक्ष्य पूरा गरे । पूर्व इंग्लिस कप्तान माइकल भनले आरसीबीको हारमा ठूलो बयान दिएका छन् ।

आरसीबीको हारमा भनले के भने ?
केकेआरविरुद्ध आरसीबीको हारपछि माइकल भनले ट्वीट गरे, ‘यस बलिङ आक्रमणबाट आरसीबीलाई आईपीएल ट्रफी जित्न असम्भव छ । चिन्नास्वामीको मैदानमा कोलकाताका ब्याट्सम्यानले आरसीबीका बलरलाई चुटाई गरे ।’

फिल साल्ट र सुनिल नारायणले पहिलो विकेटका लागि ६.३ ओभरमा ८६ रन जोडे । साल्टले ३० रन बनाए भने नारायणले २२ बलमा ४७ रन बनाए । सोही क्रममा भेंकटेश अय्यरले ३० बलमा ५० रनको बलियो इनिङ खेले । कप्तान श्रेयस अय्यरको ब्याटबाट पनि रन आयो र उनले २४ बलमा ३९ रन बनाए ।

आरसीबीका बलरहरूले केकेआरविरुद्ध धेरै रन दिए । मोहम्मद सिराजले आफ्नो चार ओभरको कोटा पनि पूरा गर्न सकेनन् र उनले ३ ओभरमा ४६ रन खर्चे । यश दयालले ४ ओभरमा ४६ रन दिए भने अल्जारी जोसेफले २ ओभरमा ३४ रन दिए ।

आरसीबीका तर्फबाट विराट कोहलीले सानदार पारी खेले । कोहलीले ५९ बलमा ८३ रनको विस्फोटक इनिङ खेले । यो इनिङ्समा विराटले ४ चौका र ४ छक्का प्रहार गरे । आरसीबीका लागि कोहलीका अलावा क्यामरन ग्रीनले २१ बलमा ३३ रन बनाए भने दिनेश कार्तिकले अन्तिम ओभरमा ८ बलमा २० रन बनाए ।