काठमाडौं । वैशाख १७ र २७ गते दुई चरणमा हुने भनिएको मध्यावधि निर्वाचनमा वैशाख १७ गते ४० जिल्लामा मात्रै निर्वाचन हुने भएको छ । त्यस्तै २७ गते ३७ जिल्लामा निर्वाचन गर्ने सरकारले निर्णय गरेको छ । वैशाख १७ गते कर्णाली, लुम्बिनी, गण्डकी र प्रदेश २ का ४० जिल्लामा पहिलो चरणमा निर्वाचन गर्ने र वैशाख २७ गते दोस्रो चरणमा सुदूरपश्चिम, बागमती र प्रदेश १ का ३७ जिल्लामा निर्वाचन गर्ने निर्णय हिजो (सोमबार) बसेको मन्त्रिपरिषद बैठकले निर्णय गरेको एक मन्त्रीले जानकारी दिए ।
प्रतिनिधिसभा विघटन गर्दै सरकारले वैशाख १७ र २७ गते दुई चरणमा मध्यावधि निर्वाचन गर्ने घोषण गरेको हो ।
प्रधानमन्त्री ओलीले गत पुस ५ गते प्रतिनिधिसभा विघटन गर्दै आगामी वैशाख १७ र २७ गते निर्वाचन गर्न राष्ट्रपति विद्यादेवी भण्डारीसामु सिफारिस गरेका थिए । त्यसपछि राष्ट्रपतिले सदर गरिदिएकी थिइन् ।
