काठमाडौं । कमेडी च्याम्पियनका सञ्चालक तथा निर्देशक विशाल भण्डारी चढेको कार दुर्घटनामा परेको छ । दुर्घटनामा ४ जना घाइते भएका छन् । प्रहरीले विशाललाई पक्राउ गरेको छ ।
भक्तपुरको जगातीमा कार टिप्परसँग ठोक्किएर दुर्घटना भएको हो । कारमा भण्डारीसहित ६ जना सवार थिए । दुर्घटनामा कमेडियन सुशान बस्यालसहित ४ जना घाइते भएका हुन् ।
सुशानको अवस्था गम्भीर रहेको बताइएको छ । विशाल र पुजन अधिकारीलाई सामान्य चोट लागेको छ । दुर्घटनापछि प्रहरीले विशाल र पुजनलाई पक्राउ गरेको छ ।
विशाल र पुजन गाडीको अगाडिको सिटमा बसेकाले कसले गाडी चलाएको थियो भन्ने यकिन नभएकाले पक्राउ गरिएको प्रहरीले जनाएको छ । विशाल र पुजन दुवै जनाले गाडी कसले चलाएको थियो भन्ने खुलेको छैन ।
अनुसन्धानका क्रममा विशालसहित कारमा सवारले मादक पदार्थ सेवन गरेको पाइएको छ । थप अनुसन्धान भइरहेको बताइएको छ ।
