११ बैशाख २०८२, बिहीबार
April 24, 2025 Thursday
Latest
पाँच सामुदायिक वनमा जिप सफारी सिद्धान्त लोहनीको उपचारमा क्यानको सहयोग भारतबाट उत्पन्न हुने कुनै पनि खतरा प्रति कडा र उपयुक्त प्रतिक्रिया दिइनेछ : पाकिस्तान नवनियुक्त शिक्षामन्त्रीद्वारा पदबहाली ‘अधिकार संरक्षणका लागि सबै राजनीतिक दल एकै ठाउँमा आउनुपर्छ’ मधेस प्रिमियर लिगको उपाधि मिथिला वारियर्सलाई ‘गुणस्तरीय पूर्वाधार निर्माणमा जोड दिन आवश्यक’ युवाले देश बनाउने सङ्कल्प गर्नुपर्दछ, सङ्कल्पलाई साकार पार्नुपर्दछ–प्रधानमन्त्री किएभमा रुसी क्षेप्यास्त्र हमलामा ९ जनाको मृत्यु, ६३ घाइते संवैधानिक निकायका पदाधिकारीको नियुक्तिमा सर्वोच्च अदालतले डिल गरिरहेको छः गगन थापा
तपाईं के खोज्दै हुनुहुन्छ ?

यो सरकार देश र जनताको हितमा काम गरुन्जेल टिक्छः सन्तोष परियार



अ+ अ-

काठमाडौँ । राष्ट्रिय स्वतन्त्र पार्टीका प्रमुख सचेतक सन्तोष परियारले यो सरकार देश र जनताको हितमा काम गरुन्जेल टिक्ने बताउनुभएको छ ।

बुधवार प्रतिनिधि सभा बैठकपछि सञ्चारकर्मीहरुसँग कुराकानी गर्दै प्रमुख सचेतक परियारले वर्तमान सरकार देश र जनताको हितमा काम गरुञ्जेल टिक्ने बताउनुभएको हो । उहाँले सरकार संविधानले व्यवस्था गरे अनुरुपको जनताको अधिकार सुनिश्चित गर्ने बाटोमा रहेसम्म रहिरहने बताउनु भयो । उहाँले वर्तमान राजनीतिक व्यवस्था, समावेशिता तथा कानून निर्माणको सम्बन्धमा प्रश्न उठेपछि नयाँ सरकार बनाउन रास्वपाले पहलकदमी लिएको बताउनु भयो ।

उहाँले भन्नुभयो – ‘राजनीतिक स्थायित्व कायम होस् भन्ने हाम्रो चाहना हो । त्यसको लागि हामीले हिजो सरकारमा नगएर पनि समर्थन दिएकै थियौँ । तर अहिले यो व्यवस्था माथिका जुन किसिमका वहशहरु भए, समावेशितामाथि जुन किसिमका प्रश्नहरु भए, सरकार बनाउने, काम केही नगर्ने, कानून नबनाउने, नीति, नियम नबनाउने यो भएको भएर अब राष्ट्रिय स्वतन्त्र पार्टी पनि चुप लागेर बस्नुहुँदैन भनेर हामीले एउटा पहलकदमी लिएका हौँ ।

यो सरकार देश र जनताको हितमा काम गरुञ्जेलसम्म टिक्छ । जुन दिन देश र जनताको हितमा काम गर्दैन, जुन दिन अन्य सरकारले जस्तै यसले अर्को बाटो अपनाउँछ । त्यो दिन सरकार रहनुपनि हुँदैन भन्ने हाम्रो मान्यता हो । तर जतिबेला सम्म हाम्रो संविधानले व्यवस्था गरे अनुसारको जनताका अधिकारहरुलाई सुनिश्चित गर्ने बाटोमा लाग्छ । जतिबेला सम्म देश र जनताको हितमा काम गर्छ, यो सरकार रहिरहन्छ ।’

उहाँले गृहमन्त्री रवि लामिछानेमाथि आरोप लागेको भरमा प्रश्न उठाउने नैतिकता कसैको नभएको बताउनु भयो । उहाँले गृहमन्त्री लामिछानेलाई प्रश्न गर्नेहरुले नै प्रधानमन्त्री पदको अफर गरेको भन्दै सो प्रश्नको कुनै गाम्भिर्यता नभएको बताउनु भयो ।