काठमाडौ । अदालतको अवहेलना गरेको भन्दै सर्वोच्च अदालतबाट जवाफ माग भएपछि चार जना पूर्व प्रधानन्यायाधीशहरु पत्र लिएर सर्बोच्च अदालत पुग्नु भएको छ । बिहान सबा एघार बजे पत्र सहित उपस्थित हुनु भएका पूर्व प्रधानन्यायाधीशहरुले प्रतिनिधि सभा गैरसंवैधानिक ढंगले विघटन गरिएको भन्ने कुरामा दृढ विश्वास छ रहेको भन्दै जबाफी पत्र बुझाउनु भएको छ ।
सर्वोच्च अदालतका न्यायाधीश मनोजकुमार शर्माको एकल ईजलासले गत माघ १५ गते अदालतको अवहेलना मुद्दामा प्रधानमन्त्री केपी शर्मा ओलीसहित चार जना पूर्व प्रधानन्यायाधीश र पूर्व सभामुख दमननाथ ढुंगानालाई आफैं अदालतमा उपस्थित भएर लिखित जवाफ दिन आदेश दिएको थियो ।
