काठमाडौं । गृहमन्त्री रवि लामिछानेले कसैले गैरकानुनी धन्दा गरेको भए तत्काल कारबाही गर्न प्रहरीलाई निर्देशन दिएका छन् ।
गृहमन्त्री लामिछानेले आज सामाजिक सञ्जालमार्फत् प्रहरीलाई निर्देशन दिँदै कानुनअनुसार काम गर्न कसैको आदेश कुर्नु नपर्ने भनेका छन् । उनले प्रहरीलाई भनेका छन्– ‘तपाईंले मलाई होइन, मैले तपाईंलाई सलाम गर्ने गरी काम गर्नुस् ।’
गृहमन्त्री रविले सामाजिक सञ्जालमा लेखेका छन्–
देशभरका सम्पुर्ण राष्ट्रसेवक प्रहरीहरु लाई मेरो अपिल
देशको कुनै पनि भागमा कुनैपनि ब्यक्ति वा समुहले गैरकानुनी काम गरेको छ, गैरकानुनी धन्दा चलाएको छ,कर छली गरेको छ, गुण्डागर्दी, धाक धम्की, तस्करी लगायतका अपराध गरेको छ भने त्यसलाई कारवाही गर्न मेरो वा कसैको आदेश कुर्नु पर्दैन। ऐन पल्टाउनुस् र देखाइदिनुस् कानुनी राज्य भनेको के हो। तपाईंले मलाई होइन मैले तपाईलाई सलाम गर्ने गरि काम गर्नुहोस् । मेरो शुभकामना छ। जय नेपाल (पार्टी वाला होइन, देश वाला)!!
