धनगढी । कैलालीको एक होटलमा युवक मृत भेटिएका छन् ।
गौरीगंगा नगरपालिका–४ को राजीपुरमा रहेको गहतेगडा होटेलमा युवक मृत अवस्थामा भेटिएका हुन् ।
घोडाघोडी नगरपालिका–१ का अन्दाजी ३५ वर्षीय युवक साधन डाम मृत अवस्थामा फेला परेको प्रहरीले जनाएको छ ।
गत माघ ३ गतेदेखि सोही होटलमा बसिरहेका डाम होटलको कोठामा शनिबार ओछ्यानमा घोप्टो परेको अवस्थामा मृत भेटिएका हुन् ।
घटनाबारे अनुसन्धान भइरहेको प्रहरीले जनाएको छ ।
