एजेन्सी । विकेटकिपर ब्याट्सम्यान दिनेश कार्तिकले आईपीएल २०२४ पछि अन्तर्राष्ट्रिय क्रिकेट र आईपीएलबाट सन्यास लिन सक्नेछन् ।
कार्तिकले आफ्नो अन्तिम सिजन रोयल च्यालेन्जर्स बैंग्लोरबाट आईपीएल खेल्नेछन् । आरसीबीले उनलाई २०२२ को मिनी लिलामीमा ५.५ करोडमा समावेश गरेको थियो ।
ईएसपीएनका अनुसार भारतीय विकेटकिपर ब्याट्सम्यान जुनमा ३९ वर्ष पुग्नेछन् । उनी आईपीएलको अन्तिम सिजनका लागि तयार छन् । यसपछि उनले आईपीएल र अन्तर्राष्ट्रिय क्रिकेटबाट सन्यास लिन सक्नेछन् ।
कार्तिकले भारतका लागि आफ्नो अन्तिम अन्तर्राष्ट्रिय खेल जुलाई २०२२ मा बंगलादेश विरुद्ध टी-२० विश्वकपमा खेलेका थिए ।
कार्तिक ती सात खेलाडीमध्ये पर्छन् जो अहिलेसम्म आईपीएलका सबै सिजन (१६) को हिस्सा भइसकेका छन् । सन् २००८ मा आईपीएल सुरु भएदेखि नै उनी रोहित शर्मा, विराट कोहली, शिखर धवन, महेन्द्र सिंह धोनी, ऋद्धिमान साहा र मनिष पाण्डेसँग खेल्दै आएका छन् जो सुरुदेखि नै आईपीएल खेल्दै आएका छन् ।
कार्तिकले आईपीएलको १६ सिजनमा अहिलेसम्म दुई खेल मात्र गुमाए । उनले आफ्नो पहिलो सिजन कोलकाता नाइट राइडर्सविरुद्ध खेलेका थिएनन् । गत वर्ष अर्थात २०२३ मा भएको दोस्रो खेलमा सनराइजर्स हैदरावादविरुद्धको लिग खेलबाट उनी बाहिरिएका थिए ।
