काठमाडौं । श्रम, रोजगार तथा सामाजिक सुरक्षा मन्त्री सरतसिंह भण्डारीको पद विदेशमा हुँदै गएको छ । अर्थात् मन्त्री भण्डारी बेरोजगार भएका छन् ।
लोकतान्त्रिक समाजवादी पार्टीबाट मन्त्री बनेका भण्डारी गत साता दुबई भ्रमणमा गएका थिए । उनी वैदेशिक रोजगार व्यवसायी संघको आयोजनामा दुबइमा आयोजना भेलाको रोजगार मेलामा सहभागी हुन दुवई गएका हुन् ।
मेलामा सहभागी हुन १९ फागुनमा जम्बो टोलीसहित यूएई गएका भण्डारीको पद नेपाल फर्किन नपाउँदै खुस्किएको हो ।
दुवईमा उनले रोजगार मेला उद्घाटन गरे । तर यता भोलिपल्टै उनको मन्त्री पद गयो । सत्ता गठबन्धन दल हेरफेर गरेपछि मन्त्री भण्डारीलाई प्रधानमन्त्री पुष्पकमल दाहालले बर्खास्त गरेका हुन् । उनी २०७९ साल चैत १७ गते मन्त्रीमा नियुक्त भएका थिए ।
