एजेन्सी । बलिउड जोडी दीपिका पादुकोण र रणवीर सिंह आमाबुबा बन्ने भएका छन् ।
सामाजिक सञ्जालमा एक पोस्टर सार्वजनिक गर्दै उनीहरुले पहिलो सन्तानलाई स्वागत गर्न लागेको घोषणा गरेका हुन् ।
दीपिकाले इन्स्टाग्राममा सेप्टेम्बर २०२४ लेख्दै एक पोष्ट गरेकी छिन् । दीपिकाले पोस्टमा पति रणवीरलाई पनि ट्याग गरेकी छिन् । उक्त पोस्टरमा बच्चाको लुगा देखाइएको छ ।
दीपिका र रणवीरले ५ वर्षको प्रेम सम्बन्धपछि सन् २०१८ मा विहे गरेका थिए। दुवैको पहिलो भेट फिल्म ‘गोलियों की रासलीला स् रामलीला’ को सेटमा भएको थियो । यी दुईले ‘पद्मावत’, ‘बाजीराव मस्तानी’ र ‘८३’ मा सँगै काम गरेका छन् ।
