काठमाडौँ । स्पेनिस फुटबल ला लिगा अन्तर्गत काडिज सिएफले सेल्टा भिगोसँग प्रतिस्पर्धा गर्दैछ । खेल नेपाली समयानुसार पौने ७ बजे सुरु हुनेछ । यसैबीच काडिजले आजको खेलमा नेपाली समर्थकलाई साथ दिन अनुरोध गरेको छ ।
आफ्नो आधिकारिक फेसबुक पेजमा आजको खेलमा जित निकाल्दै तीन अंक जोड्न नेपाली परिवारको साथको आवश्यकता रहेको उल्लेख गरेको छ । पेजमा भनिएको छ – ‘आज हाम्रो लक्ष्य एक साथ हासिल गर्ने मुख्य दिन हो। हामीलाई तीन अंक हासिल गर्न नेपाल परिवारको साथ चाहिन्छ।
नेपाल हाम्रो पछाडि छ, हामी यो गर्न सक्छौं ।’
ला लिगामा काडिज रेलिगेशन जोनमा छ । २५ खेलमा १७ अंक जोडेको काडिज १८ औं स्थानमा छ । सेल्टा भिगो भने समान खेलबाट २० अंकसहित १७ औं स्थानमा छ । काडिज सेल्टालाई हराएर रेलिगेशन जोनबाट माथि उक्लन चाहन्छ ।
