जापान । जापानको कान्तोउ क्षेत्र अन्तरगत तोचिगी प्रिफेक्चरमा रहेको एक जङ्गलमा लागेको आगो ५ दिन सम्म पनि नियन्त्रणमा आउन सकेको छैन । राजधानी टोकियो नजिकै पर्ने तोचिगी प्रिफेक्चरको आशिखागा शहरको नजिक रहेको जङ्गलमा २१ तारिख देखि लागेको आगो अझै पनि नियन्त्रणमा आउन नसकेको हो । जंगलमा लागेको आगो निभाउन हेलिकप्टरहरुको प्रयोग गरिएको भएपनि आगो नियन्त्रणमा आउन नसकेको अधिकारीहरुले जनाएका छन् ।
आगलागिका कारण जोखिममा रहेका करिब ३०५ घर परिवारलाई सुरक्षित स्थानमा स्थान्तरण गर्नु पर्ने अबस्थाको शृजना भएको छ । आशिखागा शहरका ३ स्थानमा आश्रयस्थलहरु निर्माण गरि जोखिममा रहेका परिवारलाई स्थान्तरण गर्ने कार्य भैरहेको अधिकारीहरुले जनाएका छन् ।
यो समाचार तयार पार्दा जंगलको १०० हेक्टर भागमा आगो फैलिसकेको छ । आगलागीबाट हाल सम्म मानबिय क्षती भने भएको छैन ।
