विराटनगर । मोरङमा बोक्सीको आरोपमा महिलालाई मलमूत्र खुवाई यातना दिने एकजनालाई पक्राउ गरिएको छ । बूढीगंगा गाउँपालिका–७ की ५५ वर्षीय महिलालाई छिमेकी ५० वर्षीया पारो माझीले यातना दिदै बोक्सी आरोपमा मलमूत्र खुवाएकी हुन् ।
गाउँकी धामीसमेत रहेकी पारो माझीलाई पक्राउ गरिएको मोरङ प्रहरीका प्रवक्ता डीएसपी रन्जनकुमार दाहालले जानकारी दिए ।
मलमूत्र खुवाएर अमानवीय व्यवहार गरेको उजुरी परेपछि माझीमाथि पीडित महिलाले हरैचामा रहेको प्रहरी कार्यालयमा उजुरी दिएकी थिइन् । लगत्तै बोक्सीको आरोप लगाई अमानवीय हर्कत गर्ने माझीलाई पक्राउ गरेको डीएसपी दाहालले बताए ।
माझीविरुद्ध बोक्सी आरोपको कसुरमा मुद्दा चलाउने प्रहरीको तयारी छ । घटनामा अरु व्यक्तिको संलग्नता नदेखिएको र यसबारे आवश्यक अनुसन्धान भईरहेको दाहालले बताए ।
