• २ असार २०८१, आईतवार
  •      Sun Jun 16 2024
  •   Unicode
Logo
Latest
★   निर्वाचन आयोगको आयुक्तमा कृष्णमान प्रधान सिफारिस ★   टी-२० विश्वकप खेल्ने राष्ट्रिय खेलाडीलाई जनही १३ लाख पुरस्कार ★   पदयात्रा गरी बिदा मनाउने स्थलका रुपा परिचित हुँदै वाग्द्वार ★   सरकारले केही व्यापारिक घरानाले कर छल्न सक्नेगरी बजेट ल्यायो: डा. आरजु राणा ★   सलमान खानको अपार्टमेन्ट बाहिर फाईरिङ​ भएको घटनामा थप एक जना पक्राउ ★   प्रधानमन्त्रीसँग सिपिपिसिसीका उपाध्यक्षको शिष्टाचार भेट ★   मुलुक बाहिर बसेर आर्जन गरेको ज्ञान, सीप र पुँजी नेपाल भित्र्याउन गैर आवासीय नेपालीलाई महासंघ… ★   नर्वेद्वारा युक्रेनलाई १० करोड ३० लाख डलर सहयोग ★   मेलाबाट भएको आम्दानीबाट पर्यटन पूर्वाधार निर्माण ★   गजुरीदेखि चौतारा जोड्ने सडक कालोपत्र सुरु

ज्याकलिनलाई ठग सुकेशले जेलबाटै धम्की दिइरहेका छन्



एजेन्सी । बलिउड अभिनेत्री ज्याकलिन फर्नान्डिजले ठग सुकेश चन्द्रशेखरविरुद्ध दिल्लीका प्रहरी आयुक्त सञ्जय अरोरासमक्ष उजुरी दिएकी छन् । उनले जेलमा रहेका सुकेशमाथि दुर्व्यवहार र धम्की दिएको आरोप लगाएकी छन् ।

इन्डियन एक्सप्रेसको रिपोर्टका अनुसार ज्याकलिनले केही दिनअघि प्रहरी आयुक्त सञ्जय अरोरा र विशेष प्रहरी आयुक्तलाई मेल पठाएकी थिइन् । उक्त मेलमा उनले साक्षी संरक्षणमा प्रणालीको असफलताप्रति चिन्ता व्यक्त गरेकी छन् । उनी यस मुद्दाको साक्षी भए पनि आफूमाथि मनोवैज्ञानिक दबाब रहेको बताउँछिन् । उनीलाई धम्की पनि आइरहेको छ ।

उनले पत्रमा थप लेखेकी छन्– ‘म एक जिम्मेवार नागरिक हुँ । यति हुँदाहुँदै पनि मेरो भविष्य खतरामा पर्ने कुरामा फसेको छु ।’

ज्याकलिनले यस मेलसँग तीनवटा अखबारका लेखहरू पनि संलग्न गरेकी छिन्, जसमा सुकेशले लेखेको पत्रको तस्बिरहरू थिए । सुकेश ठग भएर जेलमा रहँदा पनि उनले जेलभित्रबाट सार्वजनिक रूपमा धम्की दिइरहेका छन् । ज्याकलिनलाई मानसिक यातना समेत दिईरहेको उनको आरोप छ ।

सुकेशले ज्याकलिनलाई धेरै पटक पत्र लेखेका छन् । उनले यी चिठ्ठीमार्फत सार्वजनिक रूपमा आफ्नो प्रेम व्यक्त गरेका छन् ।

को हुन् सुकेश र किन छन् जेल ?
सुकेश चन्द्रशेखर कर्नाटकको बेंगलुरुका निवासी हुन् । उनले १७ वर्षको उमेरदेखि नै भव्य जीवनशैली जिउन मानिसहरूलाई ठग्न थालेको बताइएको छ । बेंगलुरुमा ठगी गरेपछि उनले चेन्नई र अन्य सहरमा पनि मानिसहरूलाई लक्षित गरेका थिए । उनको निशानामा शीर्ष राजनीतिज्ञ, व्यवसायीदेखि बलिउड सेलिब्रेटीसम्म रहेका छन् ।

२००७ मा, एक वरिष्ठ सरकारी अधिकारीको रूपमा, उनले बेंगलुरु विकास प्राधिकरणमा कामको बदलामा १०० भन्दा बढी मानिसहरूलाई ठगेका थिए । यस मुद्दामा सुकेश पक्राउ पनि परेका थिए । उनी हाल मनी लान्ड्रिङ मुद्दामा दिल्लीको मण्डोली जेलमा छन् ।