काठमाडौँ । एक सांगीतिक टूरका लागि अस्ट्रेलिया उडेका गायक नितेशजंग कुँवर हङकङ अन्तर्राष्ट्रिय विमानस्थलबाटै काठमाडौँ फर्किएका छन् ।
‘द रिबर्थ’ टुरका लागि अस्ट्रेलिया उडेका उनी हङकङ ट्रान्जिटमा पासपोर्ट हराएपछि काठमाडौँ फिर्ता भएका हुन् ।
६६ घण्टा ट्रान्जिटमै बिताउनुपरेका उनले पासपोर्ट खोजीका लागि हङकङ विमानस्थल र नेपाली कन्सुलेटको मद्दत मागेका थिए । तर, नभेटेपछि उनी काठमाडौँ फर्कनु परेको छ । कुँवर हङकङबाट नेपाल फर्किएको उनकी प्रेमिका तथा गायिका समृद्धि राईले जनाएकी छिन् ।
फेसबुकमा एक स्टाटस राख्दै जानकारी दिएकी राईका अनुसार कुँवर, आमा र उनी अस्ट्रेलियातर्फ उडेका थिए । कुँवर नेपाल फर्किए पनि आमा र समृद्धि चाहिँ अस्ट्रेलिया उडेका छन् ।
कुँवर नेपाल फर्किएपछि उनको ‘रिबर्थ’ अस्ट्रेलिया टूर भने प्रभावित बनेको छ । मेलबर्नको कन्सर्ट पोस्टपोन्ड भए पनि अन्य सहरको कार्यक्रम भने निर्धारित समयमा हुने राईले जनाएकी छन् । हराएको पासपोर्ट पुनः बनाएर फर्किन कुँवर काठमाडौँ आएका हुन् ।
