काठमाडौं । प्रधानमन्त्री पुष्पकमल दाहाल प्रचण्डले कोशी प्रदेशमा सत्ता साझेदार दल नेपाली कांग्रेसबाट धोका भएको बताएका छन् ।
सोमबार पार्टीको केन्द्रीय समितिको पूर्ण बैठकमा उनले कांग्रेसबाट भएको धोकालाई गम्भिर रूपमा लिएको बताएका हुन् ।
बैठकमा प्रचण्डले व्यक्त गरेको भनाइबारे एक नेताले भने, ‘कोशीमा कांग्रेसले दिएको धोकाले गम्भीर बनाएको छ । यसले गठबन्धनमा सोच्नुपर्ने ठाउँमा हामीलाई पुर्याएको छ । यसको अर्थ अहिले नै गठबन्धन टुट्छ भन्ने होइन ।’
प्रचण्डलेले कांग्रेससँगको सहकार्यमा प्रश्न उठाउँदै अब एक्लै चुनाव जित्ने गरी पार्टी निर्माण गर्ने अभियानमा लाग्नुपर्ने बताए ।
