काठमाडौं । वाणिज्य बैंकहरूले फागुन महिनाको लागि निक्षेपको ब्याजदर घटाएका छन् । बैंकिङ प्रणालीमा अधिक तरलता र कर्जा प्रवाह न्यून भएपछि बैंकहरुले निक्षेपको ब्याजदर घटाएका हुन् ।
सोमबार सार्वजनिक नयाँ ब्याजदर तालिकाअनुसार माघको तुलनामा ब्यक्तिगत मुद्दतिको औसत ब्याजदर ०.४१ प्रतिशत विन्दुले घटेको हो । बैंकहरूको औसतमा व्यक्तिगत मुद्दती निक्षेपको ब्याजदर फागुन महिनाका लागि ७.७२ प्रतिशत तोकिएको छ । जुन माघ महिनामा ८.१२ प्रतिशत तोकिएको थियो ।
माघ महिनामा व्यक्तिगत मुद्दति निक्षेपमा अधिकतम ब्याजदर ९ दशमलव १५ प्रतिशतसम्म थियो भने फागुनमा ८.५० प्रतिशतमा झरेको छ । चार वाणिज्य बैंकहरु एभरेष्ट, लक्ष्मी सनराइज, माछापुच्छ्रे र हिमालयन बैंकले माघ महिनाकै ब्याजदरलाई निरन्तरता दिएको छ । यी बाहेक अन्य १६ बैंकले औसत निक्षेप ब्याजदर घटाएको छ ।
