काठमाडौं । आज प्रतिनिधिसभाका सभामुख, राष्ट्रियसभाका अध्यक्ष र उहाँहरुको निजी सचिवालयमा कार्यरत कर्मचारी, दुवै सदनका सांसदहरुलाई कोरोना भाइरस (कोभिड–१९)विरुद्धको खोप लगाइँदैछ ।
संघीय संसद सचिवालयका अनुसार बिहान १० बजेदेखि दिउँसो ४ बजेसम्म नयाँ बानेश्वरस्थित सिभिल अस्पतालमा कोरोना खोप लगाउने कार्यक्रम रहेको छ। त्यसैगरी आउँदो २१ गते शुक्रबार अन्तर्राष्ट्रिय सम्मेलन केन्द्रका सबै कर्मचारी र अन्य खोप लगाउन छुटेकालाई खोप लगाइने बताईएको छ ।
आजै प्रतिनिधि सभा र राष्ट्रिय सभाका महासचिव, सचिव, कार्यव्यवस्था शाखा र सांसद सुविधा व्यवस्थापन शाखामा कार्यरत कर्मचारी, अन्तर्राष्ट्रिय सम्मेलन केन्द्रको हाजिरी व्यवस्थापनमा कर्यरत कर्मचारी, मर्यादापालक र संसदीय मामिला पत्रकारहरुलाई पनि खोप लगाइने छ ।
