काठमाडौं । नेपाली राष्ट्रिय क्रिकेट टोलीका पूर्वकप्तान पारस खड्का सन्न्यासपछि पहिलो पटक घरेलु मैदानमा उत्रिने भएका छन् ।
तिलोत्तोमामा निर्माणाधिन एक्स्ट्राटेक ओभल क्रिकेट मैदानको उद्घाटनको अवसरमा आयोजना हुनलागेको प्रतियोगितामा पारसले खेल्न लागेका हुन् ।
एक्स्ट्राटेक ओभल क्रिकेट मैदानको फागुन १४ गते उद्घाटन हुँदैछ । सोही अवसरमा एक्स्ट्राटेक प्राइभेट लिमिटेडले टी-१० फर्म्याटमा मैत्रीपूर्ण खेलको आयोजना गरेको हो ।
प्रतियोगितामा ४ टोली रहेका छन् । जसमा लेजेन्ड्स ९६, रुपन्देही लेजेन्ड्स, सन् २०१४ को विश्वकपमा सहभागी टोली र रेस्ट अफ नेपालले सहभागिता जनाउनेछन् ।
नेपाल क्रिकेट संघ (क्यान)का सचिव समेत रहेका पूर्व कप्तान खड्काले २०१४ टोलीको कप्तानी गर्नेछन् । टोलीको अन्य खेलाडीको नाम भने सार्वजनिक हुन बाँकि छ ।
यस्तै, १९९६ मा एलबी क्षेत्री, रेस्ट अफ नेपालमा कलाम अली तथा रुपन्देही लेजेन्ड्समा हरिबहादुर थापाले कप्तानी गर्ने बताईएको छ ।
