एजेन्सी । चीनको एउटा घटनाले अचम्म बनाएको छ । एक महिलाले जुम्ल्याहा बच्चालाई जन्म दिएकी छन्, तर बुबा फरक-फरक भएको पत्ता लागेको छ ।
शिशुको डीएनए परीक्षण गर्दा बुबा फरक–फरक भएको पत्ता लागेको हो । यस्तो पत्ता लागेसँगै चिकित्सकहरु पनि अचम्मित भएका छन् ।
जब दम्पत्ती आफ्नो बच्चाको दर्ताका लागि शियामेन प्रहरीकहाँ गए, त्यसपछि यो घटना सार्वजनिक भएको अन्तर्राष्ट्रिय सञ्चारमाध्यमहरुले उल्लेख गरेका छन् ।
प्रहरीले दुबै जनाको डिएनए रिपोर्ट माग गरेको थियो ।महिलाले आफ्नो श्रीमानलाई धोका दिएर अन्य पुरुषसँग सम्बन्ध राखेको खुसाला डीएनए रिपोर्टबाट भएको हो ।
डीएनए रिपोर्टमा जुम्ल्याहा बच्चाको फरक–फरक बुबा बारे जानकारी पाएपछि पतिले पत्नीसँग यसबारे सोधपुछ गरेका थिए । पत्नीले परपुरुषसँग सम्बन्ध रहेको स्वीकार गरेकी छिन् ।
