काठमाडौँ । नेपाली सुनचाँदी बजारमा आज साताको अन्तिम दिन अर्थात् शुक्रबार सुनको मूल्य सामान्य बढेको छ । आज सुनको मूल्य प्रतितोला एक सय रूपैयाँले बढेको हो ।
शुक्रबार छापावाल सुन प्रतितोला एक लाख १८ हजार पाँच सय रूपैयाँ मा कारोबार भईरहेको नेपाल सुनचाँदी व्यवसायी महासंघले जनाएको छ । बिहिबार उक्त सुन प्रतितोला एक लाख १८ हजार चार सय रूपैयाँमा कारोबार भएको थियो ।
यस्तै, आज तेजाबी सुन प्रतितोला एक लाख १७ हजार नौ सय ५० रूपैयाँमा कारोबार भइरहेको छ । हिजो तेजाबी सुन प्रतितोला एक लाख १७ हजार आठ सय ५० रूपैयाँमा कारोबार भएको थियो ।
त्यसैगरी, शुक्रबार चाँदीको मूल्य पनि बढेको छ । आज चाँदी प्रतितोला २० रुपैयाँले बढेर १३ सय ९० रूपैयाँमा कारोबार भईरहेको महासंघले जनाएको छ ।
