काठमाडौँ । ६१ किलो सुन प्रकरणकी प्रतिवादी अमला रोकायाविरूद्ध डिफ्युजन नोटिस जारी भएको छ। अन्तर्राष्ट्रिय अपराध प्रहरी संगठन (इन्टरपोल)मा रोकायाविरूद्ध डिफ्युजन नोटिस जारी भएको हो ।
सीआइबी स्रोतका अनुसार नेशनल कन्ट्रोल ब्यूरो (एनसीबी) काठमाडौंले गरेको सिफारिसका आधारमा रोकायाविरूद्ध इन्टरपोलले डिफ्युजन नोटिस जारी भएको छ ।
रोकाया सुनकाण्डमा मुछिएका बेल्जियम नागरिक दाबा छिरिङका श्रमतीसमेत हुन् । ठमेलस्थित होटेल भियना उनको नाममा दर्ता छ ।
साउन २ गते राजस्व अनुसन्धान विभागले त्रिवि विमानस्थल भन्सार राजश्व जाँच पार गरेर बाहिरिएको ६१ किलो सुन बरामद गरेको थियो ।
