• १३ फाल्गुन २०८०, आईतवार
  •      Sun Feb 25 2024
  •   Unicode
Logo
Latest
★   ईलाम र बझाङमा बैशाख १५ गते उपनिर्वाचन गर्ने आयोगको निर्णय ★   विद्यमान राजनीतिक व्यवस्था चाहिँदैन भन्ने अधिकार पनि संविधानले दिएको छ: सांसद शाही ★   बुर्तिबाङ प्राथमिक स्वास्थ्य केन्द्र २८ वर्षपछि प्रदेशस्तरीय अस्पताल बन्दै ★   संविधानले दिएको सेवा सुविधा लिएर संविधानको बिरोध गर्न मिल्दैन: सांसद सापकोटा ★   नेपालले नेदरल्यान्ड्सलाई दियो १७३ रनको सामान्य लक्ष्य ★   सहकारीपीडितको समस्या समाधान गर्न सरकारको ध्यानाकर्षण ★   जापान नेपालको हितैषी मित्र र भरपर्दो विकासको सहयात्री: राष्ट्रपति पौडेल ★   नेपालले ४४ ओभरमा आठ विकेट गुमाएर १४२ रन बनायो ★   सासंद खतिवडाको कटाक्ष: कुचो र क्यामरा बोकेर मन्त्री किराँती मन्त्रालयमा, काम भने कमिसनको चक्करमा ★   जापानले भूकम्प पीडितका लागि थप ६६ करोड डलर खर्च गर्ने

१० औं एक्सेल्सियर कप: रेडिअन्ट पब्लिक सेमिफाइनलमा



काठमाडौं : रेडिअन्ट पब्लिक १० औं एक्सेल्सियर कपअन्तर्गत बास्केटबलको सिनियर ब्वाइजमा शनिबार सेमिफाइनलमा प्रवेश गरेको छ ।

स्वयम्भूस्थित आयोजक द एक्सेल्सियर स्कुलको कोर्टमा रेडिअन्टले एनआईसी एकेडेमीलाई ४८–२४ ले पराजित ग-यो । रेडिअन्टका रोहित चौधरीले २० अंक जोडे । सिनियर ब्वाइजमै ग्रिनफिल्डले स्वर्णिमलाई २६–१७ ले हराउदै सेमिफाइनलमा स्थान सुरक्षित ग¥यो । ग्रिनफिल्डका अर्जुन बस्नेतले १० अंक जोडे । सेमिफाइनलमा ग्रिनफिल्डको भेट जेनिथसंग हुनेछ भने रेडिअन्टले पुष्पसदनको सामना गर्ने छ ।

सिनियर गल्र्समा रिब्सले रेडिअन्ट पब्लिकलाई १३–११ तथा संस्कृतिले स्वर्णिमलाई १८–८ ले पाखा लगाउदै सेमिफाइनलमा स्थान सुरक्षित गरे । रिब्सकी सुप्रिया मल्लले ४ तथा संस्कृतिकी एन्जल शाहीले ८ स्कोर गरे । सेमिफाइनल रिब्स र आयोजक एक्सेल्सियर तथा संस्कृति र काष्ठमण्डपबीच हुनेछ ।

ब्वाइज फुटसल:

द एक्सेल्सियर कपअन्तर्गत ब्वाइज फुटसलको यु–१२ मा बृहस्पति विद्या सदनले सेक्रेड हार्टलाई १–०, द चाँदबागले एलआरआईलाई ४–०, रेडिअन्ट पब्लिकले रिब्सलाई १–० तथा मोर्डन इन्डियन स्कुलले किड्स लर्निङलाई टाइब्रेकरमा ३–२ गोलले पराजित गरी सेमिफाइनल यात्रा तय गरे ।

यु–१३ मा रेडिअन्ट पब्लिकले निसर्ग वाटिकालाई २–०, निर्भाना एकेडेमीले चाँदबागलाई ३–०, काष्ठमण्डपले सेक्रेड हार्टलाई ४–० र बृहस्पतिले न्यु एरालाई ३–० ले हराउदै सेमिफाइनलमा स्थान बनाए ।
यु–१६ मा ग्रिनफिल्डले चेल्सी वल्र्ड स्कुललाई ५–१, काष्ठमण्डपले एक्सेल्सियर ‘पहेलो’ लाई ६–०, न्यु एराले संस्कृतिलाई ४–१ र एक्सेल्सियर ‘रातो’ ले निसर्ग वाटिकालाई ४–१ ले पाखा लगाउदै सेमिफाइनलमा स्थान पक्का गरे ।