काठमाडौँ । नेपालले आईसीसी यू-१९ विश्वकपको सुपर सिक्समा बंगलादेशलाई जितको लागि १७० रनको समान्य लक्ष्य दिएको छ ।
दक्षिण अफ्रिकाको ब्लोमफोन्टेनमा टस जितेर पहिला ब्याटिङ रोजेको नेपालले ४९.५ ओभरमा अलआउट हुँदै १६९ रन बनायो ।
नेपाललको लागि विशाल ब्रिकम केशीले सर्वाधिक ४८ रन बनाए । उनले १०० बलमा ६ चौका हिर्काए । खराब सुरुवात गरेको नेपाललाई विशाल र कप्तान देव खनालको साझेदारीले उकासेका थिए । विशाल र देवले ६२ रनको साझेदारी गरे । देव ६० बलमा ३ चौकासहित ३५ रनमा आउट भए ।
यस्तै, अर्जुन कुमालले १२ र सुभाष भण्डारीले १८ रन बनाउदा अन्य कुनैपनि खेलाडिले दोहोरो अंकमा रन बनाउन सकेनन् । दुर्गेश गुप्ताले ९ रन जोड्दा दिपेश कडेल, दिपक बोहरा, गुलशन झा र आकाश त्रिपाठीले समान ३ र विपीन रावलले २ रन थपे ।
बंगलादेशका लागि रोहनत बोर्सोन र शेख जिबोनले ३(३ विकेट लिए । इकबाल हुसेन, मरुफ म्रिधा र जिशान आलमले १(१ विकेट हात पारे ।
