काठमाडौँ । पोर्चुगल पठाईदिन्छु भन्दै रकम ठगी गर्ने एकजना पक्राउ परेका छन् ।
पक्राउ पर्नेमा नुवाकोट लिखु घर भई हाल काठमाण्डौं नेपालटार बस्ने २४ बर्षका रोजिन न्यौपाने रहेका छन् ।
न्यौपानेले पोर्चुगल पुगेपछि कृषि कम्पनीमा काम लगाइदिन्छु भन्दै निरज धमला समेत ७ जनाबाट पटक पटक गरी बाह्र लाख रुपैयाँ लिई सम्पर्कविहीन भएका थिए ।
काठमाण्डौ उपत्यका अपराध अनुसन्धान कार्यालयबाट खटिएको प्रहरी टोलीले न्यौपानेलाई माछापोखरीबाट पक्राउ गरेको हो । उनलाई अनुसन्धान तथा कारवाहीको लागि वैदेशिक रोजगार विभाग ताहाचल पठाईएको छ ।
