• २ असार २०८१, आईतवार
  •      Sun Jun 16 2024
  •   Unicode
Logo
Latest
★   धनुषाबाट आठ दिनदेखि बेपत्ता महिलाको शव फेला ★   नेप्से परिसूचक १७ अङ्कले घट्यो ★   मधेस प्रदेशको बजेट २२ करोडले घट्यो ★   चित्रबहादुर केसीको दाबी: संघीयताले मुलुकलाई दुर्गतितर्फ लग्यो ★   बंगलादेशसँग १० वर्षअघिको बदला लिने धुनमा नेपाल ★   पाप मोचन गर्ने धार्मिक विश्वासमा मनाइने पर्व गङ्गादशहरा ★   एघार महिनामा ४४ प्रतिशत मात्रै पुँजीगत खर्च ★   बजेटले मन्दीतर्फउन्मुख अर्थतन्त्रलाई सुधार्न सक्दैन: सांसद जबरा ★   देवघाटमा बाँध बाँधेर चितवन पूर्व र नवलपुर पश्चिममा सिँचाइ पुर्‍याउन प्रस्ताव ★   सरकारले नयाँ चरणको आर्थिक सुधार कार्यक्रममा विशेष ध्यान दिनुपर्छ: डा.स्वर्णिम वाग्ले

यी हुन् बलिउडका सबैभन्दा लामो गीतहरु, कुनै गीत १५ मिनेट लामो छन्



एजेन्सी । फिल्मलाई सफल बनाउन कथासँगै संगीतको पनि महत्वपूर्ण भूमिका हुन्छ । भारतीय सिनेमामा, स्क्रिप्ट र संगीतको संयोजनले कुनै पनि फिल्मलाई हिट बनाउन सक्छ । बलिउडमा यस्ता धेरै फिल्म छन् जुन गीतका कारण हिट भएका छन् ।

योसँगै केही यस्ता नाम पनि छन् जसका गीतहरु चार्टबस्टर भए पनि फिल्म नराम्रोसँग फ्लप भयो । भारतीय चलचित्रमा गीतको ठूलो महत्व छ । संगीतकारहरूले यी गीतहरूमा धेरै रेकर्डहरू पनि बनाएका छन् ।

उदाहरणका लागि, गीतहरूको लम्बाइको कुरा गर्ने हो भने, तिनीहरू सामान्यतया पाँच मिनेटको हुन्छन्, तर, यस्ता गीतहरू पनि छन् जुन लगभग १५ मिनेटसम्म छन् र ती गीतहरू दर्शकहरूले धेरै मन पराएका छन् ।

अब तुम्हारे हवाले वतन साथियों-शीर्षक गीत


सन् २००४ मा सिनेमाघरमा आएको फिल्म ‘अब तुम्हारे हवाले वतन साथियों’ मा धेरै ठूला स्टारहरु देखिएका थिए । फिल्मको टाइटल गीतलाई दर्शकले निकै रुचाएका छन् । यो १४ मिनेट २९ सेकेन्ड लामो थियो । यस गीतको शब्द समीरले लेखेका हुन् । त्यही क्रममा अनु मलिकले आफ्नो संगीतले सजाएका थिए । सोनु निगम र उदित नारायणको उत्कृष्ट आवाजले यसमा आकर्षण थपेको थियो ।

सुनो जी दुल्हन-हम साथ साथ हैं


हम साथ साथ हैं’ को ‘सुनो जी दुल्हन’ गीतले मानिसको मन छुन सफल भयो । १२ मिनेट ११ सेकेन्ड लामो उक्त गीतमा प्रतिमा रोय, उदित नारायण, सोनु निगम, रूप कुमार राठौर र कविता कृष्णमूर्तिले आफ्नो स्वरको जादू फैलाएका छन् । लामो गीत भए पनि दर्शकले मन पराएका छन् ।

द मेडले-मुझसे दोस्ती करोगे


‘मुझसे दोस्ती करोगे’ को अन्ताक्षरी गीत पनि यो सूचीमा परेको छ । यो १२ मिनेट नौ सेकेन्ड लामो गीत हो । यसलाई लता मंगेशकर, उदित नारायण, सोनु निगम र पामेला चोपडाले गाएका थिए । फिल्ममा ऋतिक रोशन, करीना कपुर, रानी मुखर्जी, उदय चोपडा लगायतका धेरै स्टार देखिएका थिए । जसलाई कुणाल कोहलीले निर्देशन गरेका थिए ।

मैं कहीं भी रहूं-एलओसी करगिल


एलओसी कारगिलु एक देशभक्तिपूर्ण फिल्म थियो । १२ डिसेम्बर २००३ मा रिलिज भएको यो फिल्मले बक्स अफिसमा खासै कमाई गर्न सकेन तर यसका सबै गीतले जनताको मनमा स्थान बनाउन सफल भए । १० मिनेट १८ सेकेन्ड लामो गीत ‘मै कहाँ भी रहौं’ सोनु निगम, उदित नारायण, रूप कुमार राठोड, हरिहरन र सुखविन्दर सिंह जस्ता दिग्गज गायकहरूले गाएका थिए । यसको गीत प्रसिद्ध गीतकार जावेद अख्तरले लेखेका हुन् ।