एजेन्सी । वर्षौंको प्रतिक्षापछि अन्ततः अयोध्यामा राम मन्दिरको उद्घाटन हुँदैछ । २२ जनवरी २०२४ मा अयोध्यामा राम मन्दिर प्राण प्रतिष्ठा कार्यक्रम आयोजना गरिनेछ । यस कार्यक्रममा बलिउडदेखि टिभी उद्योगका स्टार पनि सहभागी हुनेछन् ।
टेलिभिजनका राम उर्फ अरुण गोविल पनि ती भाग्यशाली स्टारहरूमा पर्छन् जसले रामलाला प्राण प्रतिष्ठा कार्यक्रमको ऐतिहासिक क्षणको साक्षी हुनेछन् । उनलाई प्राण प्रतिष्ठा कार्यक्रममा सहभागी हुन निमन्त्रणा आएको छ । पछिल्लो समय अभिनेताले खुसी व्यक्त गरेका छन् ।
एएनआईसँग कुरा गर्दै अरुण गोविलले राम मन्दिर प्राण प्रतिष्ठाको निमन्त्रणा पाउँदा आफूलाई भाग्यमानी भएको बताए । अभिनेताले भने, ‘राम मन्दिरको बारेमा भन्न मसँग शब्द छैन । म आफूलाई धेरै भाग्यमानी ठान्छु कि यो मेरो जीवनकालमा भयो । सबै ठीकठाक चलिरहेको छ । चारैतिर धेरै सकारात्मक वातावरण छ । हो, हामी सबै धेरै खुसी छौं । निमन्त्रणा पाउँदा धेरै राम्रो लाग्यो । म प्राण प्रतिष्ठा हेर्न उत्साहित छु ।’
अरुण गोभिलले प्रधानमन्त्री नरेन्द्र मोदीको तारिफ गरेका छन् । उनले प्रधानमन्त्री मोदीलाई सकारात्मक उर्जा फैलाउने व्यक्ति भनेका छन् । ‘रामायणु अभिनेताका अनुसार, ‘यदि मैले एक व्यक्तिलाई श्रेय दिनु छ भने, म मोदीजीलाई श्रेय दिनेछु । उहाँले जसरी काम गर्नुभयो, जसरी उहाँले चारैतिर ऊर्जा फैलाउनुभएको छ ।’
