काठमाडौं । प्रधानमन्त्री पुष्पकमल दाहालले देशमा सकारात्मक परिवर्तन र आशा जगाउन नसके आफू पनि पदमा बसीरहन जरुरी नभएको बताउनुभएको छ ।
मंगलवार सिंहदरबारस्थित आफ्नै कार्यालयबाट राष्ट्रको नाममा सम्बोधन गर्दै उहाँले सो कुरा बताउनुभएको हो । प्रधानमन्त्री दाहालले कमजोर कार्य सम्पादन गर्ने मन्त्रीहरुले पनि पद ओगटेर बस्न नहुने बताउनु भयो । उहाँले मन्त्रीहरुप्रति संकेत गर्दै हरेकले आआफनो भुमिकालाई न्याय हुनेगरी काम गर्नुपर्ने नैतिक दबाब रहेको बताउनु भयो ।
प्रधानमन्त्री दाहालले भन्नुभयो, ‘संघीयतालाई वास्तविक रुपमानै कार्यान्वयन गर्न म प्रतिवद्ध र दृढ छु । र यसमा लागि जरुरी कानुन तुरुन्त ल्याउन म तयार छु । म आज जनतालाई साँची राखेर माननीय मन्त्रीहरुलाई पनि भन्न चाहन्छु–हामीलाई असफल हुने छुट छँदै छैन । कार्य सम्पादन कमजोर भएको अवस्थामा म कसैलाई पनि माफ दिने अवस्था र मनस्थितिमा छैन । हामी सबै आआफनो भुमिकाप्रति न्याय गर्नैपर्ने नैतिक दबाबमा छौं । कार्यक्षमता प्रमाणित गर्न सकेनौँ भने अब कसैले पनि ठाउँ ओगटी रहनु हुँदैन । छाडी दिनुपर्दछ । यो मैले अरुलाई दिएको उपदेश मात्रै होइन । आफैसँग गरेको वाचा पनि हो । देशमा सकारात्मक परिवर्तन र आशा जगाउन नसके मैले पनि पद ओगटीरहन जरुरी छैन ।
’प्रधानमन्त्री दाहालले संघीयतालाई वास्तविक रुपमा कार्यान्वयन गराउने काममा आफू दृढ र प्रतिवद्ध रहेको समेत बताउनु भयो ।
[pdf-embedder url=”https://newspolar.com/wp-content/uploads/2023/12/प्रधानमन्त्रीको-सम्बोधन-पुस-१०-२०८०-फाइनल-फाइनल-pdf.pdf”]
